يا صاحبي في غيبتك ضاق حالي

يا صاحبي في غيبتـــك ضاق حالي
:
شفت الليالي كل ابوهــا حزينه
:
في غيبتك ياللاسف مابقــى لي
:
غير الحزن لي شفت عيني بعينه
:
صار الحزن ساكن في ظلالي
:
والا الفـرح آميال بيني وبينه
:
لوني شكيت الحال محدٍ رثى لي
:
ولوني كتمت الحال دمعي يبينه
:
لاتقول احبــك ...! قول ميت ..ولالي
:
دونك حبيب...ولا بقلبي سكينـه
:
امشي مع العالم وفكري وبالي
:
مشغول بك ..والروح عندك رهينـه
:
ياكثر ماغيرك تمنى وصالي
:
ساعي لقلبي طامع في حنيــنه
:
لا يابدر ...يانور سود الليالي
:
ماخــان منهو مد راحة يمينه
:
من قبل اعرفك كنت لاهي وساهي
:
ولاعرفت الحب واقسى سنينه
:
جيت وعشقتك لى سكنت بخيالي
:
وعلمتني ان السعاده ثمينه
:
جيتك حبيبي مرخصٍ كل غالي
:
جازي الاجيـر وقبل ينشف جبينه
:
ارخصت لك ناسي وربعي وحالي
:
ياصاحبي ترخص لعينك مدينه

مشكورة عالموضوع الرائع
واصلي ابداعك يا مبدعةة
والى الامام

تقبلي مروري